Modelja e famshme shqiptare, e cila po ndërton karrierë edhe në muzikë, Almeda Abazi, po e feston ditëlindjen e 27-të.
‘Miss Tirana 2007’, ‘Miss Albania 2008’ dhe ‘Miss Globe 2008’, e ka publikuar një fotografi nga fëmijëria e saj për ta shënuar këtë ditë.
Për më shumë, pikërisht në ditëlindjen e saj, Almeda ishte kurorëzuar në vitin 2017 me aktorin e njohur turk, Tolgahan Sayisman.
“Urime ditëlindjen time dhe përvjetorin e dytë të martesës për ne dashuria ime”, ka shkruar bukuroshja duke iu referuar bashkëshortit të saj.
“Babai më mbante mua atëherë (në fotografinë e publikuar), ndërsa sot t’i po ma mban dorë”, ka theksuar ajo më tej.
Bukuroshja shqiptare dhe aktori i famshëm turk e kurorëzuan me martesë lidhjen e tyre në një ceremoni të mbajtur në Shtetet e Bashkuara të Amerikës.
Në ceremoninë martesore të zhvilluar në një tarracë në Beverly Hills ishin të pranishëm 40 të ftuar, kryesisht familjarë dhe miq të ngushtë, ndërsa evenimenti u mbajt pikërisht në ditën kur dikur më e bukura e Shqipërisë festonte ditëlindjen e saj.
Ndryshe, Almeda është shtatzënë dhe do të sjellë në jetë fëmijën e parë të çiftit që do të jetë djalë. /Telegrafi/