Max Allegri po e ka gjithnjë e më të vështirë të mohojë që Juventusi është në garën e Scudettos me Interin, edhe pasi mposhti kampionët në fuqi, Napolin.
Kjo ndeshje u vendos edhe një herë nga mbrojtësi Federico Gatti.
“Fitorja në këtë mbrëmje ishte shumë e rëndësishme, sepse e vendosëm Napolin në -12 dhe ky është një rezultat i mrekullueshëm”.
“Sa i përket ëndrrave dhe Scudettos, ne duhet të vazhdojmë të përmirësohemi hap pas hapi, veçanërisht kur bëjmë shumë gabime. Ne dolëm mirë në pjesën e parë, duke lëvizur topin, më pas në momente të vështira skuadra bëhet një bllok të fortë”.
“Napoli kishte shumë top, po, por jo mundësi të mëdha dhe ne kishim shpirtin e duhur”.
“Kam një grup djemsh që punojnë shumë”, ka thënë Allegri. /Telegrafi/