Juventusi është kthyer në një skuadër normale të mesit të renditjes, ka thënë Max Allegri pas humbjes ndaj Veronas.
‘Zonja e Vjetër’ pësoi humbjen e dytë me radhë në Serie A, duke zbritur në vendin e 9-të në renditje me 15 pikë.
“Fjalët janë të pakuptimta tani. Jemi në një situatë të keqe, duhet të pranojmë realitetin që tani jemi një ekip në mes të tabelës. Mund të dalim nga kjo situatë me pak më shumë vendosmëri dhe cilësi”.
“Duhej të vendosnim veten në nivelin e tyre, të vraponim, të ndiqnim kundërshtarin dhe me kalimin e kohës në ndeshje, cilësitë dalin në pah”.
“Nuk mund t’i mposhtim skuadrat e mesit të renditjes vetëm se veshim fanellën e Juventusit”.
“Ky është futbolli, janë përplasjet. Duelet në ajër dhe kur gjen Veronën duhet të vihesh në nivelin e saj”.
FT | ⌛️ | Final whistle at the Bentegodi.#VeronaJuve #FinoAllaFine #ForzaJuve pic.twitter.com/ABC9DCaHUp
— JuventusFC (@juventusfcen) October 30, 2021
“Edhe kundër Sassuolos që nuk është një skuadër fizike. Ndodhi e njëjta gjë, mendonim që ishim më të mirë se ata, duhet ndershmëri, në këtë moment nuk jemi”, ka thënë Allegri. /Telegrafi/