Trajneri i Juventusit, Massimiliano Allegri ka ironizuar kundër Presidentit të Napolit, Aurelio De Laurentiis, të cilin e ka këshilluar ta shijojë titullin dhe të mos e harrojë kurrë.
Presidenti i Napolit kishte shkaktuar zemërim të martën duke pretenduar se Napoli ka fituar ‘titullin me ndershmëri’ dhe se ata do të kishin më shumë tituj nëse nuk do të ishin ‘parregullsitë e përsëritura’ që i prekën në sezonet e kaluara.
Juventusi nuk i është përgjigjur De Laurentiis, por Allegri u pyet për mendimet e tij për pretendimet e të parit të Napolit pas fitores 2-1 ndaj Lecce të mërkurën.
“Nuk kam çfarë të them për këtë çështje. E përgëzoj sepse Napoli e ka fituar me meritë titullin. Unë e këshilloj që ta shijojë këtë titull, edhe nëse nuk i pëlqen të marrë këshilla”, ka thënë fillimisht Allegri në konferencë për shtyp pas ndeshjes.
“Nuk do t’i harroj kurrë titujt e mi të parë në Serie A me Milanin dhe Juventusin. Kjo është e para për të, ndaj duhet ta shijojë, është gjëja më e mirë”, përfundoi trajneri i Juves.
?#Allegri in conferenza stampa post #JuventusLecce: “Frecciate di De Laurentiis? Posso solo complimentarmi col Napoli e gli dico di godersi questo Scudetto. Glielo consiglio anche se lui di consigli ne accetta pochi”https://t.co/6BbxoaRLnZ
— calciomercato.it (@calciomercatoit) May 3, 2023
Allegri kishte qenë në bisedime me Napolin në vitin 2021, përpara kthimit të tij në Juventus dhe emërimit të Luciano Spallettit te klubi i kaltër.
Trajneri i Bianconerëve në mënyrë ironike përgëzoi Napolin që më në fund fitoi Scudetton e tyre të parë që nga viti 1989/90 pas humbjes 1-0 të Juventusit kundër Partenopeit në prill. /Telegrafi/