Trajneri i Juventusit, Massimiliano Allegri është ndarë i kënaqur me skuadrën e tij.
Kampionët aktual të Italisë fituan lehtësisht 3-0 ndaj Pescaras duke forcuar pozitën e parë në krye të tabelës.
“Në pjesën e dytë duhet ta kontrollonim më mirë topin, të mos ndërmerrnim disa veprime që sjellin kundërsulmin e kundërshtarit. E përsëris, duhet të jemi më të saktë në zotërim dhe të kemi më shumë durim”.
“Gjithsesi djemtë treguan maturinë e duhur. Paraqitja e sotme meriton një notë të mirë, edhe pse Pescara praktikisht nuk gjuajti asnjëherë në portën tonë. Jam shumë i kënaqur me këtë që treguan futbollistët sonte”,deklaroi Allegri.
Pas kësaj fitore Juventus është shkëputur në shtatë pikë nga Roma e cila ka një ndeshje më pak të zhvilluar. /Telegrafi/