Massimilliano Allegri i Juventusit pranon se ka përfunduar viti për Joao Cancelon si dhe Cristiano Ronaldon do të humb një nga tre ndeshjet e ardhshme në Serie A.
“Derby della Mole” mes Juventusit dhe Torinos do të luhet gjatë ditës së nesërme dhe se dyshja nuk do të luajë në derbin e qytetit.
“Cancelo ka probleme menisk në gjunjë, kështu që do të ketë një operacion sonte ose nesër dhe do të kthehet pas pushimit të dimrit”, tha trajneri në një konferencë për shtyp.
“Cuadrado ka një problem në gjunjë dhe ne do të vendosim nëse ka nevojë për ndërhyrje kirurgjike. Megjithatë, ka disa lajme pozitive: Emre Can është kthyer, Khedira kthehet javën e ardhshme dhe Spinazzola është duke u bërë mirë”.
“Ronaldo do të humbasë një nga tri ndeshjet tona kundër Romës, Atalantës dhe Sampdorias. Unë i kam thënë atij”.
“Ne do të kemi 19 ndeshje më shumë, plus shumë më tepër pikë për të marrë. Ndërkohë, ne kemi arritur dy nga synimet tona për sezonin: vendin e parë në grupin tonë të Ligës së Kampionëve dhe kualifikimin për eliminatorët”, tha italiani.
Ndryshe, Juventus është lider i ligës elitare italiane me 43 pikë, përkatësisht tetë më shumë se i dyti, Napoli. /Telegrafi/