Edhe pse Juventusi fitoi me rezultat 3-1 kundër Sevillas, Massimiliano Allegri nuk është shprehur shumë i kënaqur me paraqitjen e lojtarëve të tij.
Bianconerët u kthyen nga disavantazhi për të regjistruar një fitore të vështirë me golat e Claudio Marchisio, Leonardo Bonucci dhe Mario Mandzukic.
“Pranuam gol nga shansi i vetëm i vërtetë, një goditje nga këndi brenda dhjetë minutash. Në pjesën e dytë, Sevilla krijoi shumë hapësirë dhe kishte shumë ndërhyrje taktike”.
“Nuk është lehtë të fitosh këtu, sepse Sevilla ka disa lojtarë të shkëlqyer dhe një trajner shumë të mirë”, është shprehur Allegri për Mediaset.
Ai ka thënë se lojtarët e tij duhet të jenë më të vëmendshëm, ndërsa e ka pranuar se me një sulmues gjërat ishin shumë më të vështira. /Telegrafi/