Cristiano Ronaldo ka pësuar një lëndim me Kombëtaren e Portugalisë.
Kësisoj ylli portugez nuk do të jetë i gatshëm për ndeshjen e radhës së Juventusit ndaj Empolit në fundjavë.
Mungesën e Ronaldos e ka konfirmuar edhe trajneri i Juventusit, Massimiliano Allegri.
“Ronaldo kishte ditë pushimi dhe ai ndihet mirë tani. Do të rikthehet vetëm kur të ndihet 100% gati. Më mirë ta humbas një ndeshje se sa të rrezikojmë gjithë sezonin”, u shpreh Allegri.
“Ronaldo nuk rrezikon asgjë për Ajaxin, të hënën do të ketë një tjetër kontroll për të parë se kur do të jetë gati”, tha Allegri.
Trajneri torinez ka deklaruar se në ndeshjen ndaj Empolit do ta pushojë edhe qendërmbrojtësin Leonardo Bonucci.
“Bonucci do të pushojë në këtë takim, ndërsa Bernardeschi, Dybala dhe Mandzukic do të luajnë”, tha Allegri. /Telegrafi/