Massimiliano Allegri dhe Antonio Conte janë zgjedhjet e para për të zëvendësuar Jose Mourinho në Manchester United sezonin e ardhshëm.
E ardhmja e Mourinhos në Old Trafford mbetet ende në dyshim dhe drejtuesit e klubit janë duke menduar edhe rreth zëvendësuesit të tij.
Ish-trajneri i Chelseat, Conte, i cili gjithashtu është i lidhur me rolin e trajnerit te Real Madridi dhe Allegri i Juventusit janë dy të parët në listën e Djajve të Kuq.
Sipas gazetës Sunday Express, drejtuesit e Unitedit kanë vënë në dukje dy italianët për qasjen e tyre pragmatike.
Conte ka fituar tashmë titullin e Ligës Premier dhe trofeun e FA Cup me Chelsean, kështu që ka përvojë në futbollin anglez.
Ai gjithashtu e njeh yllin kryesor të skuadrës, Paul Pogban, pasi ka punuar me mesfushorin kur ai ishte ende një adoleshent në Juventus.
Allegri ka arritur dy finale të Ligës së Kampionëve në katër vjet dhe është në garë këtë sezon për gjitha trofetë me klubin nga Torino.
Gjithashtu skuadra e tij e dominoi ndeshjen në fitoren 1-0 në Old Trafford këtë javë, duke impresionuar më tej hierarkinë e Manchester Unitedit. /Telegrafi/