Moderatorja e njohur shqiptare, Alketa Vejsiu, është gati që së shpejti të prekë suksesin më të madh në karrierën e saj.
Ajo është përzgjedhur sivjet si njëra nga prezantueset e “Sanremos”, i cili njihet si festivali më i vjetër në Evropë dhe njëherësh një nga më të njohurit.
Alketa tashmë është bërë gati dhe ajo ka ateruar gjatë paradites të së shtunës në qytetin e Sanremos, atje ku do të mbahet festivali.
Këtë gjë e bëri të ditur përmes disa imazheve të publikuara në rrjetin social Instagram, ku konfirmonte se ishte gati për sfidën e radhës.
“Destinacioni Sanremo, më uroni fat Shqipëria! Ju dua shumë të gjithëve. Shpresoj t’ju nderoj”, shkroi Vejsiu në Instagram.
Në po të njëjtin festival krah prezantueses shqiptare, do të prezantojë edhe modelja me famë botërore, Georgina Rodriguez, që ndryshe njihet edhe si partnerja e Cristiano Ronaldos.
Ndërkohë, Alketa nuk është shqiptarja e vetme që do të shkelë sivjet në skenën e festivalit të “Sanremos”, pasi është konfirmuar se e ftuar speciale në këtë event do të jetë edhe këngëtarja shqiptare me famë botërore, Dua Lipa. /Telegrafi/
