Portieri i Liverpoolit, Alisson Becker, është fitues i ‘Dorëzës së Artë’ për më së shumti ndeshje pa pranuar gol në Ligën Premier.
Braziliani ka shkëlqyer në sezonin e tij të parë me Redsat duke bërë paraqitje mbresëlënëse në portën e tyre në të gjitha garat ku kanë marr pjesë.
Ndeshja kundër Wolverhampton Wanderers ishte e 21-ta në të cilën Alisson nuk pranonte gol dhe me plot meritë e fiton këtë çmim.
Përkundër intervenimeve mbresëlënëse gjatë gjithë sezonit për skuadrën e tij, Liverpooli dështoi ta fitonte Ligën Premier, duke mbetur një pikë prapa Manchester Cityt.
Redsat do ta kenë mundësinë t’i gëzohen trofeut të Ligës së Kampionëve më 1 qershor në Madrid nëse e mposhtin Tottenham Hotspur. /Telegrafi/
