Koordinatori i grupit parlamentar të BDI-së, Ejup Alimi në seancën e sotme për pyetjen e deputetëve, ashpër ka reaguar për arrestimin e ish-ushtarit të UÇK-së, Tomor Morina.
Morina dje u arrestua me kërkesë të Interpolit të Serbisë.
“Më vjen turp të jem pjesë e këtij Kuvendi. Më arrestoni lirshëm, ja po e thërras ministrin Spasovski që ta bëjë këtë. Të fshihen veprimet e Millosheviçit, ndërsa ju kryeministër të keni turp”, tha Alimi, përcjell Telegrafi Maqedoni.
Ndërsa kryeministri Zoran Zaev iu përgjigj Alimit se sundimi i ligjit dhe respektimi i ligjeve dhe rregulloreve ndërkombëtare është një vlerë normative, evropiane, që ju dhe unë dhe të gjithë ne qëndrojmë. Ekstradimi ka arritur nga Interpoli, as nuk është as nga Vuçiq apo Millosheviçi. Nga Interpoli ku ne jemi anëtare dhe ku kemi votuar që Kosova të jetë anëtare, pavarësisht se Serbia është kundër. Procedurat kryhen nga prokurori kompetent dhe gjykatësi kompetent vendos për to, as nuk e udhëheq Zaevi, as Spasovski, as Agim Nuhiu, as ndonjë qeveri.
“Për ekstradimin e Morinës vendosin institucionet kompetente. Dhe se në këtë të drejtë shënohet se ai është qytetar i Kosovës, ndërsa nuk është qytetar i Serbisë dhe lirohet nga paraburgimi dhe nuk bëhet ekstradimi. Kjo është e drejta ndërkombëtare”, tha Zaev./Telegrafi/