Bashkimi Demokratik për Integrim përmes një komunikate për Telegrafi në Maqedoni, ka konfirmuar se Ali Ahmeti është takuar me kryetarin e OBRM-PDUKM-së, Nikolla Gruevski, me të cilin ka biseduar rreth rezultatit të zgjedhjeve të mbajtura më 11 dhjetor.
“Sot, Kryetari i Bashkimit Demokratik për Integrim (BDI), Ali Ahmeti ka realizuar takim me Kryetarin e OBRM-PDUKM-së, Nikolla Gruevski, ku është biseduar për dy çështje të cilat përfshijnë analizën e rezultateve të zgjedhjeve të mbajtura më 11 dhjetor të cilat u vlerësuan si të lira, fer dhe demokratike, si dhe kanë analizuar situatën aktuale politike. Dy liderët këmbyen mendime rreth situatës paszgjedhore si dhe për sfidat e ardhshme në këtë drejtim”, thuhet në komunikatën e BDI-së.
Në këtë njoftim nga ana e BDI-së nuk thuhet se ka pasur bisedime për formimin e Qeverisë së re./Telegrafi/