Alexis Sanchez ka thënë se largimin nga Manchester United dhe transferimi te Interi është si të biesh përsëri në dashuri.
Sulmuesi kilian shënoi vetëm tri gola te Djajtë e Kuq në 32 paraqitje për klubin, derisa në janarin e vitit 2018 u transferua në Old Trafford.
Sanchez kishte një periudhë jo të mirë te Unitedi, andaj në këtë verë vendosi të huazohej te Nerazzurët.
“Transferimi te Inter? Ishte sikur të biesh përsëri në dashuri”, ka thënë kiliani për UEFA-n.
“Unë tashmë isha i njoftuar me trajnerin dhe disa lojtarë te Interi dhe mendoj se klubi është duke përgatitur diçka të mirë për të ardhmen”.
“Nëse nuk gaboj, Interi nuk ka fituar asgjë në shtatë apo tetë vite. Tani dua që klubi të rikthehet në rrugën e trofeve dhe të fitojë së bashku shumë ndeshje”, ka shtuar më tej Sanchez.
Duket se kiliani do të qëndrojë edhe për një kohë të gjatë te skuadra italiane, gjersa transferimi i tij përfundimtar mund të mbyllet në afatin kalimtar të janarit. /Telegrafi/