Trent Alexander-Arnold thotë se përvoja e Arsenalit pas humbjes së titullit të Ligës Premier sezonin e kaluar ndaj Man City e ka bërë skuadrën më të qëndrueshme këtë sezon.
Liverpooli dhe Arsenali do të takohen të shtunën në derbin që vendos për vendin e parë në Ligën Premier.
“Ata janë një ekip i ri, emocionues, të cilit vitin e kaluar ndoshta i mungonte përvoja për të fituar, më shumë se çdo gjë”.
“Kjo është mjaft e ngjashme me atë që ne ishim në atë sezon kur ne u penguam nga Man City me një pikë. Ato përvoja të mësojnë shumë. Të mësojnë se si të fitosh”.
“Ata do ta sjellin atë nga sezoni i kaluar dhe kjo po shfaqet në qëndrueshmëria e tyre. Ata meritojnë të jenë pranë majës. Kështu edhe ne”.
“Ata janë shumë të qëndrueshëm dhe po fitojnë në mënyrë të kontrolluar. Është ndryshe nga mënyra se si po fitojmë ne shumë ndeshje. Disa nga ndeshjet tona kanë qenë në minutën e fundit, ose deri në dhjetë lojtarë, duke fituar në mënyra të ndryshme”, ka thënë ylli i Liverpoolit.
Topçinjtë aktualisht janë në krye të Ligës Premier me 39 pikë – një më shumë se Liverpooli që është i dyti. /Telegrafi/