Alex Sandro është i vetëdijshëm se Juventusi nuk ka më vend për gabime dhe duhet ta mposhtë Benfican që t’i mbajë gjallë shpresat për kualifikim në fazën e eliminimit direkt të Ligës së Kampionëve.
Binconerët kanë udhëtuar në Portugali për ndeshjen e vlefshme të Grupit H dhe doemos duhet t’i fitojnë tri pikët dhe pastaj të shpresojnë që ekipi portugez të gabojë ndaj Maccabi Haifas.
“E dimë se rezultati i vetëm që ka rëndësi është fitorja. Kemi ardhur këtu të fitojmë, jemi duke u përmirësuar dhe nuk guxojmë të bëjmë gabime të tjera”.
“Duam tregojmë më të mirë, duam të japim më të mirën nga vetja dhe ta fitojmë ndeshjen”.
“Kam luajtur këtu kur kam qenë te Porto, i njoh disa nga lojtarët e tyre. Do të jetë një ndeshje e vështirë, por jemi të përgatitur dhe e dimë se do të bëjmë një paraqitje të mirë”, ka deklaruar Sandro në konferencën për shtyp. /Telegrafi/