Nëpërmjet një njoftimi të partisë opozitare shqiptare, Aleanca për Shqiptarët thuhet se “me masën e re për subvencionimin e “gjithë” punëtorëve në RMV për pagimin e kontributeve për rritjen e rrogës neto deri ne 6000 denarë, Qeveria e Republikës së Maqedonisë së Veriut jo që nuk i ndihmon ekonomisë, por e dëmton ngjashëm si qeveria e kaluar”.
“Me “stimulimin” e ri, ekonomia do të fitojë vetëm 11.1% nga tatimi personal, ndërsa mer obligim për të paguar 27,5% për kontribute dhe njëkohësisht bie ndesh me ligjin për tatim personal dhe të hyrave tjera qe u ndryshua vitin e kaluar të shpallur më 01.01.2018 në Gazetën zyrtare të RMV, nr.190/17, dhe të zbatuar nga 31.12.2018. Kjo masë kundërshton masën paraprake, ku nga tatimi linear u kalua në tatim progresiv pasi që atëherë u konstatua se nuk mund të paguhet tatim njëjtë si ata me rrogë minimale dhe ata me rrogë mbi 90.000 denarë”, thuhet në njoftimi e Aleancës për Shqiptarët, njofton Telegrafi Maqedoni.
Ata shtrojnë pyetje se si mund të subvencionohen punëtorët nëpër banka dhe ndërmarrje fitimprurëse dhe me fitime milionëshe, njëjtë si të punësuarit në mikro ndërmarrjet në Maqedoni dhe se kjo masë i shërben oligarkëve qeveritar.
“Të dhënat nga e kaluara dëshmojnë se kjo qeveri masat stimuluese ekonomike i bën për përfitime të vetat. Ngjashëm si me Fondin për Inovacione Teknologjike ku 35 milionë euro i shpërndanë ndërmjet vetes me firma fiktive. Është skandal në vete të shkurtohen nga 40 milion euro në tre vitet e ardhshme, që mjetet për investime kapitale të ridestinohen në rroga. Rritja e standardit ekonomik nuk bëhet duke marr hua nga njëri xhep, për
ti futur në xhepin tjetër”, thuhet në fund të njoftimit./Telegrafi/