Albin Kurti, ish-lideri i Lëvizjes Vetëvendosje, ka konfirmuar pohimet e WikiLeaks se anëtarja e kësaj partie ka informuar Turqinë për gjendjen në Kosovë.
Esma Bunjaku sipas letrave elektronike të publikuara sot del të ketë informuar partinë e presidentit turk, Recep Tayyip Erdogan, AKP rreth arritjes së marrëveshjes për Demarkacionin me Malin e Zi, si dhe marrëdhënien me Qeverinë serbe në lidhje me krijimin e Asociacionit e Komunave Serbe në Kosovë, transmeton Telegrafi.
“Unë kur ka informuar Esma, kam qenë në burg. Nuk besoj që Esma e ka informuar vetëm partinë e Erdoganit, por të gjitha partitë. Ajo ka pasur për detyrë t’i informojë të gjitha partitë turke, por nuk kemi ndonjë lidhje speciale me partinë e presidentit, Recep Tayyip Erdogan. Ne i kemi njoftuar edhe partitë gjermane dhe ato Socialdemokrate”, ka pohuar Kurti në Rubikon të KTV-së.
Sipas kabllogrameve, Esma ka njoftuar AKP-në edhe për arrestimin e ish-liderit të VV-së, Albin Kurtit si dhe katër deputetëve të tjerë opozitarë. /Telegrafi/