Këngëtarja Albërie Hadërgjonaj po qëndron në Shtetet e Bashkuara të Amerikës.
Gjatë muajve të verës, ajo pritet të kthehet sërish në Kosovë, për të nisur turin e saj të koncerteve, ndërsa nuk do të mungojnë edhe projektet e reja.
Hadërgjonaj, e cila është shumë e pëlqyer për këngët e saj, javë më parë u bë temë e medieve, për shkak të një foto-montazhe eksplicite të publikuar në rrjetin social Instagram, pasi asaj i kishin ‘hakuar’ llogarinë.
E duket se kjo ngjarje ka ndikuar që te këngëtarja të vihen në pah personat që e urrejnë atë, e për këta persona, ajo ka lënë së fundmi një mesazh në InstaStory.
Në një imazh të publikuar pranë një treni, Hadërgjonaj u ka bërë me dije se i ka ecur mjaft mbarë kohëve të fundit, kjo pasi ka nënshkruar një kontratë milionëshe.
“Vetëm mbarë më ecën kur ma qani hallin. Për të gjithë ata që më urrejnë, sapo përmbylla një kontratë 20 milionë dollarëshe”, ka shkruar Albëria në mbishkrimin e fotografisë. /Telegrafi/
