Këngëtarja Albërie Hadërgjonaj këto ditë është kthyer në Kosovë, ku është mjaft e angazhuar me koncerte, ahengje e dasma të ndryshme.
Ajo ka treguar se është edhe në përgatitje të një projekti të ri, që me gjasë do ta lansojë nga fundi i muajit gusht.
Së fundmi, Hadërgjonaj ishte e ftuar në emisionin “21 Gradë” ku rrëfeu për më të rejat e saj.
Me dukje ekstravagante dhe të realizuar në detaje, Hadërgjonaj dukej më tërheqëse dhe provokuese se çdo herë tjetër.
Përkundër viteve që numëron mbi supe, ajo duket në top formë, ndërsa tregoi se për këtë gjë ajo kujdeset që të ndjek me rregull ushtrimet në palestër, si dhe bën kujdes maksimal në ushqim.
Në rrjetet sociale, ajo ndau me fansat disa imazhe nga paraqitje në natën e mbrëmshe, ku dukej tejet joshëse. /Telegrafi/
