Pas lajmeve se Albërie Hadërgjonaj ka prishur raportet me anëtarin e jurisë së “Dance with me”, Robert Alia, këngëtarja është kundërpërgjigur përmes rrjeteve sociale.
Ajo ka publikuar një fotografi ku shihet krah Robertit duke mohuar se mes tyre ka ndonjë hatërmbetje, transmeton Telegrafi.
Gjatë natës së tretë të “Dance with me” , Albëria dhe Roberti kanë sulmuar njëri-tjetrin, por pa e ngritur zërin.
“Do të kisha dhënë më shumë se pesë pikë nëse Albëria nuk do të fliste pas kurrizit tim”, ka thënë Roberti, i cili mori një përgjigje ironike nga artistja.
“Si mund të mos flas për një karamele pa ambalazh si koka jote”, është kundërpërgjigur Albëria.
Më tej Alia ka vazhduar duke thënë se në spektakël duhen vënë kritere. “Jemi artistë, s’ka nevojë për thashetheme” e ka mbyllur ai përplasjen me kunja. /Telegrafi/
