Këngëtari i njohur shqiptar, Alban Skënderaj, është një nga artistët më të vlerësuar në trojet shqiptare.
Ai është fitues i dy prej festivaleve më të mëdha shqiptare “Kënga Magjike” dhe “Top Fest” – ky i fundit ka mbi pesë vite që nuk organizohet më.
Albani po ashtu është shpërblyer dy herë me vendin e parë në videofestivalin e dikurshëm që organizohej në Kosovë, “Videofesti Muzikor”.
Madje në këtë video-festival, ai ka fituar çmimin “Mashkulli më i mirë” për katër rresht, që nga viti 2006 e deri në vitin 2010.
Kështu, ai ka një koleksion të madh trofesh në shtëpinë e tij, të cilin nuk ka hezituar që ta ndajë së fundmi me ndjekësit e tij në rrjetin social.
Në mbishkrimin e videos, Skënderaj thotë se është krenar dhe mirënjohës për karrierën e tij të vlerësuar në gjithë këto vite, të cilën sigurisht e ka ndërtuar me dashurinë e publikut.
Ky është shkrimi i tij i plotë (pa ndërhyrje):
“Gjithmone mundohem ne jete te jem modest e flas midis punes time ndaj dhe kete video nuk e bera per tu lavderuar por ne nje cast nostalgjie. Nga komplekset qe vijne bashke me manine e modestise i kam mbajtur gjate ne vite neper kuti duke i injoruar e pa ju dhene shume rendesi. Tani qe i nxorra ne drite dhe shplurosa pjesen me te madhe nga pluhuri i kohes duhet te pranoj qe me japin nje ndjesi te mire e me bejne te ndihem krenar per arritjet dhe per artin qe jam munduar t’i ofroj vendit tim. Dihet tashme qe me shume e shkuara fiton hapsire ne jeten tende e me shume behesh i ndjeshem ndaj detajeve qe e perfaqesojne. Une luftoj me veten te fokusohem vetem tek e tashmja por secili prej ketyre cmimeve perfaqeson nje te tashme te dikurshme, nje emocion, nje kujtim dhe patjeter ore e ore, dite e nete pune dhe dedikim. Shqiperi, Kosove e kudo ku ka shqiptare faleminderit qe me keni mundesuar kete udhetim fantastik i cili patjeter ka patur e do kete uljet e ngritjet e veta por me e rendesishmja eshte te jemi bashke deri ne fund”. /Telegrafi/