Al Jazeera ka raportuar se buldozerë izraelitë janë duke shtypur palestinezë të sëmurë dhe të plagosur jashtë një spitali në Rripin e Gazës.
Reporteri Anas al-Sharif ka raportuar se buldozerët kanë shtypur njerëzit në tendat ku po strehoheshin jashtë spitalit, Kamal Adwan.
Gazetari ka publikuar edhe një video jashtë spitalit ku shihen edhe viktimat dhe gjurmët e buldozerit.
🚨🇵🇸 Journalist Anas Al-Sharif:
What 🇮🇱 did inside Kamal Adwan Hospital is a horrific crime against citizens & medical staff!
Dozens of displaced were buried under rubble!
🇮🇱 bulldozers advanced on displaced, sick, wounded, inside hospital & crushed tents to bury them! pic.twitter.com/ZXaX3GpCpC
— Ellen Jean Abare (@EllenJeanAbare) December 16, 2023
“Një masakër e frikshme dhe skena të papërshkrueshme. Ajo që pushtimi izraelit bëri brenda spitalit Kamal Adwan është një krim i tmerrshëm kundër qytetarëve dhe personelit mjekësor”, shkroi al-Sharif në platformën X.
“Dhjetëra të zhvendosur, të sëmurë dhe të plagosur u varrosën të gjallë. Buldozerët e okupimit [izraelitë] shkelën tendat e njerëzve të zhvendosur në oborrin e spitalit dhe i shtypën brutalisht”, shtoi as-Sharif.
Ndryshe, mbi 19 mijë palestinezë dhe izraelitë janë vrarë në luftën Izrael-Hamas, duke përfshirë 63 gazetarë (56 palestinezë, 4 izraelitë dhe 3 libanezë) dhe mbi 100 punonjës të ndihmës së UNRWA-s. /Telegrafi/
