Ngjyra e zezë ishte kodi i veshjes për të gjithë aktorët në evenimentin e Golden Globes, si një dedikim i veçantë për të gjitha gratë e prekura nga abuzimet seksuale në Hollywood.
Mirëpo, ndërkohë që të gjitha femrat e respektuan kodin e veshjes, njëra prej tyre “theu” rregullat.
Bëhet fjalë për aktoren Blanca Blanco, e cila u shfaq në ceremoninë e rëndësishme, e veshur me një fustan të kuq të gjatë me dy të çara, një te pjesa e gjoksit dhe tjetra deri te pjesa e këmbëve.
Por, pavarësisht shpjegimeve të aktores se përse kishte veshur fustan të kuq, kritikat në rrjetet sociale ishin të shumta.
Një nga arsyet që aktorja dha për këtë “thyerje” të kodit të veshjes, ishte se i pëlqente shumë ngjyra e kuqe.
Tema kryesore e fjalimeve të rëndësishme në ceremoninë e Golden Globes ishte pikërisht çështja e keqtrajtimeve seksuale që u kanë ndodhur aktoreve në fillet e karrierave të tyre.
Oprah Winfrey e rrëmbeu gjithë vëmendjen në evenimentin që u zhvillua të dielën mbrëma na Los Angeles.
Fjalimi i moderatores së famshme është pëlqyer shumë, saqë shumëkush i ka sugjeruar që të kandidojë për presidente të Shteteve të Bashkuara të Amerikës. /TCH/Telegrafi/