Policia e Kosovës pas një hetimi disa mujor ka bastisur disa shtëpi në Mitrovicën e Jugut ku ka gjetur një sasi të narkotikëve të llojit kokainë dhe armë.
Gjatë këtij aksioni janë arrestuar katër persona, ndërsa me vendim të prokurorit tre të dyshuarit janë dërguar në mbajtje dhe njëri është liruar në procedurë të rregullt.
Policia njofton se gjatë aksionit tek të dyshuarit janë gjet dhe konfiskuar: kokainë 1kg e 892 gram, një revole me 8 fishekë të cal. 7.65 mm, një revole me nëntë 9 fishekë, dy peshore digjitale, një mulli grinder, një shufër metalike, dy laptop, 4 telefona.
“Rr.Avni Shabani, Mitrovicë, 08.12.2020-15:30. Njësia e DHTN Mitrovicë Veri në bashkëpunim të njësive tjera pas një hetimi disa mujor me urdhër të gjykatës ka bastisë disa shtëpi dhe objekte përcjellëse në katër (4) lokacione në Mitrovicë Jug, ku janë arrestuar katër të dyshuar meshkuj kosovarë. Tek të dyshuarit janë gjet dhe konfiskuar: kokainë 1 kg e 892 gram, një revole të llojit me 8 fishekë të cal. 7.65 mm, një revole me nëntë 9 fishekë, dy peshore digjitale, një mulli grinder, një shufër metalike, dy laptop, 4 telefona. Me vendim të prokurorit tre të dyshuar dërgohen në mbajtjeje ndërsa njëri lirohet në procedurë të rregullt”, thuhet në raport. /Telegrafi/