Prokuroria e Tiranës kërkon caktimin e masës së sigurisë “arrest në burg” për Ajas Sulejmanin, drejtuesin e mjetit qe aksidentoi tre anëtarët e një familjeje tek Rruga e Kavajës.
Kërkesa është depozituar në gjykatë dhe do të shqyrtohet gjatë ditës së nesërme.
Sulejmani akuzohet për “shkelje të rregullave të qarkullimit rrugor”, me pasoja të rënda, “drejtim mjeti në mënyrë te parregullt” dhe “largim nga vendi i aksidentit”.
Në deklarimin e parë pas arrestimit Ajasi ka pretenduar se shpejtësia e makinës ishte 40 km në orë dhe se nuk i kishte funksionuar sistemi i frenimit.
Ai gjithashtu ka thënë se ka qenë me vajzën e tij në makinë.
“Nuk jam larguar nga vendi i aksidentit, por ika të çoj në spital vajzën e mitur, pasi ishte e terrorizuar nga ngjarja”, tha Sulejmani. /A2 CNN/