Pesë persona janë lënduar në një aksident komunikacioni, që ka ndodhur sot në orët e pasditës në fshatin Dubovë të Pejës, k janë përfshirë dy vetura.
Lajmin për Telegrafin e ka konfirmuar zëdhënësi i Policisë për Rajonin e Pejës, Fadil Gashi.
“Rreth orës 17:30, Policia është njoftuar për një aksident në fshatin Dubovë të Pejës. Në këtë aksident kanë qenë të përfshira dy vetura, derisa lëndime kanë marrë pesë persona”, ka deklaruar Gashi.
Ai ka thënë se të lënduarit kanë pranuar trajtim mjekësor në Emergjencën e Spitalit Rajonal të Pejës.
Vetëm gjatë ditës së djeshme, Policia e Kosovës, ka bërë të ditur se kanë ndodhur 68 aksidente. /Telegrafi/