Pesë persona kanë marrë lëndime trupore si pasojë e një aksidenti që ka ndodhur sot rreth orës 06:30 në kryqëzimin që lidhë rrugën “Nazim Gafurri” dhe “Haxhi Zeka”, në Prishtinë.
Lajmin për Telegrafin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Zëdhënësja tha se aksidenti ka ndodhur në mes të një autobusi dhe një veture.
“Sot rreth orës 06:30 në kryqëzimin që lidhë rrugën ‘Nazim Gafurri’ dhe rrugën ‘Haxhi Zeka’ në Prishtinë , ka ndodhur një aksident trafiku në mes të një autobusi dhe një veture”, ka thënë Ahmeti.
Tutje Ahmeti tha “se si pasojë e aksidentit pesë persona kanë pësuar lëndime trupore. Të njëjtit kanë pranuar tretman mjekësor. Me rastin po merret njësiti i trafikut”. /Telegrafi/