(E plotësuar) Dy persona kanë pësuar lëndime trupore në një aksident trafiku në Çagllavicë të Prishtinës.
Zëdhënësja e Policisë së Kosovës për Rajonin e Prishtinës, Flora Ahmeti konfirmoi se aksidenti ka ndodhur rreth orës 11:30.
“Sot rreth orës 11:30, në rrugën Prishtinë -Ferizaj, ka ndodhur një aksident trafiku, ku është përfshirë një veturë. Si pasojë e aksidentit dy persona kanë pësuar lëndime trupore dhe të njëjtit janë dërguar për trajtimin e nevojshëm mjekësor. Policia ka nisur një hetim për zbardhjen e shkaqeve të këtij vetaksidenti”, ka thënë Ahmeti.
—————
Një aksident trafiku ka ndodhur gjatë ditës së sotme në Çagllavicë të Prishtinës.
Sipas pamjeve që janë publikuar në rrjetet sociale shihet se vetura është përplasur në një shtyllë.
Përveç dëmeve materiale, ende nuk dihet nëse dikush ka marrë lëndime nga ky aksident.
Telegrafi ka kontaktuar me Policinë e Kosovës lidhur me rastin, por deri në publikimin e lajmit nuk ka marrë ndonjë përgjigje. /Telegrafi/
