Një aksident i rëndë komunikacioni ka ndodhur sot, në fshatin Bernjak të Rahovecit, si pasojë dy persona kanë vdekur dhe katër të tjerë janë lënduar.
Lajmin e ka konfirmuar zëdhënësja e Policisë për rajonin e Gjakovës, Lirije Podrimaj.
“Pas marrjes së informacioni, njësitet policore menjëherë kanë dal në vendin e ngjarjes, po ashtu edhe zjarrfikësit. Ndërkaq, ekipi mjekësor kanë konstatuar vdekjen e dy personave në vendin e ngjarjes dhe katër persona kanë pësuar lëndime trupore”, ka thënë Podrimaj.
Sipas Podrimajt bazuar në informacionet e para nga vendi i ngjarjes dyshohet se aksidenti i ndodhur në mes të dy automjeteve udhëtarësh ka ndodhur si pasojë e mos përshtatjes së shpejtësisë dhe tejkalimit në mënyrë të pa sigurt.
Policia e Kosovës në vazhdimësi apelon të kihet kujdes gjatë ngasjes në komunikacion. /Telegrafi/
