Dy persona janë lënduar rëndë, pasi makina “BMW” me targa të Tetovës, e drejtuar nga I.A (38) nga Bogovina humbi kontrollin dhe doli nga rruga, përcjell Telegrafi Maqedoni.
Siç informojnë nga SPB në Tetovë, aksidenti ka ndodhur sot rreth orës 14:10 në autostradën Shkup-Tetovë-Gostivar, ndërsa lëndime të rënda ka marrë shoferi dhe shoqëruesi i tij 46 vjeçar nga Kamjani, të cilët me ambulancë janë transferuar në Spitalin Klinik të Tetovës. Për shkak të lëndimeve të shumta, bashkëudhëtari është transferuar në Klinikat e Shkup, kurse drejtuesi i makinës është mbajtur për kurim të mëtejshëm.
Hetim në vendin e ngjarjes ka kryer, SPB në Tetovë, ndërsa dëmi material vlerësohet me 200 mijë denarë./Telegrafi/