Një aksident me fatalitet ka ndodhur ditën e hënë në rrugën nacionale Leshak – Mitrovicë.
Siç njofton Policia, një mashkull kosovar derisa ishte duke drejtuar veturën kishte humbur kontrollin mbi veturë, dukë u përplasur në mbrojtëset metalike të rrugës, transmeton Telegrafi.
“Një mashkull kosovar derisa ishte duke drejtuar veturën, për shkaqe të panjohura kishte humb kontrollin mbi veturë, dhe ishte përplasur në mbrojtëset metalike të rrugës. Si pasojë e lëndimeve të marra drejtuesi i veturës kishte ndërruar jetë. Në vendin e ngjarjes kanë dalë njësitë policore dhe ekipi mjekësor i cili e ka konstatuar vdekjen e viktimës”, thuhet në raportin e Policia.
Policia bën të ditur se me me urdhër të prokurorit trupi i pajetë i viktimës u është liruar familjarëve për ceremoni varrimi. /Telegrafi/