Një person ka ndërruar jetë si pasojë e një aksidenti i cili ka ndodhur mes dy automjeteve në Gjilan.
Sipas raportit të Policisë së Kosovës, ngjarja ka ndodhur të mërkurën rreth orës 11:25 në rrugën “Avdullah Tahiri”, në Gjilan.
Siç thuhet në raport, vdekjen e tij e ka konfirmuar ekipi mjekësor.
“Është raportuar për një aksident trafiku në mes të dy automjeteve. Përveç dëmeve materiale lëndime vdekjeprurës ka pësuar një mashkull kosovar. Vdekjen e tij e ka konfirmuar ekipi mjekësor. Me vendim të prokurorit trupi i pa jetë është dërguar në IML për Obduksion në Prishtinë”, thuhet në raport. /Telegrafi/