Pasditen e së premtes ka ndodhur një aksident trafiku në Fushë Kosovës, ku si pasojë një këmbësore ka marrë lëndime.
Aksidenti mes një automjeti e këmbësoresh ka ndodhur në rrugën “Nëna Terezë”, ndërkaq e lënduara është dërguar për trajtim të nevojshëm mjekësor.
Lajmin për Telegrafin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 15:00, në rrugën “Nëna Terezë” në Fushë Kosovë, ka ndodhur një aksident trafiku, në mes të një automjeti dhe një këmbësoreje. Si pasojë e aksidentit këmbësorja ka pësuar lëndime trupore. E njëjta është dërguar për trajtim të nevojshëm mjekësor. Hetuesit e njësitit të trafikut rajonal po merren me rastin”, tha Ahmeti. /Telergafi/