Një person ka ndërruar jetë, ndërsa një tjetër ka marr lëndime trupor në një aksident trafiku.
Sipas raportit të Policisë së Kosovës, ngjarja ka ndodhur të premten rreth orës 05:40 në fshatin Shupkofc, në Mitrovicë.
Siç thuhet në raport, drejtuesi i veturës kishte humbë kontrollin mbi veturën dhe ishte rrokullisur, ndërkaq vetura ishte përfshi nga zjarri.
“Në rrugën magjistrale Prishtinë-Mitrovicë ka ndodhë një aksident trafiku me pasoja fatale, në aksident ka qenë e përfshirë një veturë. Sipas informatave drejtuesi i veturës kishte humbë kontrollin mbi veturën, ishte rrokullisur dhe vetura ishte përfshi nga zjarri. Si pasojë e aksidentit një person ka humbur jetën, një tjetër ka pësuar lëndime. Në vendin e ngjarjes kanë dalë të gjitha njësitë relevante policore, ndërsa trupi i pajetë i viktimës me urdhër të prokurorit është dërguar në IML për obduksion”, thuhet në raport. /Telegrafi/