Dy persona kanë ndërruar jetë dhe tre të tjera kanë marr lëndime trupore si pasojë e një aksidenti mes dy veturave.
Sipas raportit, thuhet se ngjarja ka ndodhur të hënën rreth orës 14:00 në fshatin Gllobar, Drenas.
Në raportin 24 orësh të Policisë së Kosovës, thuhet se të lënduarit janë dërguar për tretman mjekësorë.
Ndërsa siç bëhet e ditur në raport, drejtuesi i njërës veturë është dërguar në mbajtje.
“Dy vetura me targa vendore janë përfshirë në aksident trafiku në mes veti. Si pasoj e lëndimeve të marra në aksident një femër dhe një mashkull kosovar -e kanë ndërruar jetë, si dhe lëndime trupore kanë pësuar edhe 3 meshkuj kosovar. Të lënduarit janë dërguar në trajtim mjekësorë. Me urdhër të prokurorit trupat e pa jetë të dy viktimave janë dërguar në IML për obduksion kurse drejtuesi i njërës nga veturat e involvuara në aksident është dërguar në mbajtje”, thuhet në raport. /Telegrafi/