Arlind Ajeti ka folur rreth zëvendësimit shumë të përfolur në ndeshjen me Francën.
Në një intervistë të tij për emisionin ‘Minutat e Evropianit’ në Klan Kosova, mbrojtësi i kombëtares që ka fituar simpatinë e të gjithëve, Arlind Ajeti ka deklaruar që trajneri De Biasi e ka zëvendësuar pa dëshirën e tij, pasi ai nuk ishte i lënduar.
“Trajneri më pyeti se a mund të luaj tutje, ndërsa unë ju përgjigja që mund t’i luaj pa probleme edhe këta minuta që kanë mbetur”, deklaroi fillimisht Ajeti në intervistën e tij në Klan Kosova.
“Është trajneri që vendosi dhe ndërrimi me Veselin ishte vendim i tij”
Por, ky zëvendësim nuk ka luajtur rol në raportet e Ajetit me trajnerit italian dhe shokët e skuadrës.
Lexo më shumë: Ajeti kerkohet nga skuadra e njohur angleze
“Megjithatë, kam raporte shumë të mira me trajnerin dhe me gjithë ekipin. Ndoshta trajneri më keqkuptoi kur më pyeti a mund të luaja ende”, përfundoi mbrojtësi i kombëtares.
Pas zëvendësimit të Ajetit në ndeshje me Francës, kombëtarja e Shqipërisë pranoi dy gola të shpejt në minutat e fundit, gola që luajtën shumë rol në mos kualifikimin e Shqipërisë në 1\8-tën, pasi me një pikë të mundshme nga ky takim kualifikimi do të ishte i sigurt. /Telegrafi/