Hakim Ziyech ka qenë njëri nga lojtarët kryesorë të Ajaxit edicionin e kaluar.
Gjiganti holandez fitoi titullin dhe Kupën e shtetit, ndërsa arriti deri në gjysmëfinale të Ligës së Kampionëve.
Mesfushori ofensivë, Hakim Ziyech ishte shumë i kërkuar në tregun e transferimeve, por në fund vendosi të qëndroj te Ajaxi.
26-vjeçari pritet ta vazhdoj përsëri kontratën me Ajaxin, pasi klubi dëshiron t’ia heq klauzolën e ulët që e ka.
Ziyech ka një klauzolë largimi me vetëm 30 milionë euro dhe Ajaxi nuk dëshiron largimin e tij për kaq pak para.
Kampionët e shumëfishtë të Holandës synojnë t’ia vazhdojnë kontratën deri në vitin 2023.
Skuadra holandeze pretendon ta shes yllin e saj në verë për një shumë rreth 50 milionë euro. /Telegrafi/