Aeroplani me të cilin po udhëtonte zëvendëspresidenti i Shteteve të Bashkuara, Mike Pence, është rikthyer në aeroportin e New Hampshire, pasi gjatë fluturimit është përplasur me një tufë zogjsh, kanë njoftuar zyra për informim në Shtëpinë e Bardhë.
Bëhet fjalë për aeroplanin “Air Force Two”, me të cilin Pence po kthehej në Washington pas një vizite që kishte realizuar në qytetin e Gillfordit, transmeton Telegrafi.
Një zyrtar i lartë amerikanë i cili ka dashur të mbetet anonim, ka bërë të ditur se zëvendëspresidenti amerikan dhe ekipi i tij nuk kanë qenë në rrezik.
E pas aterimit në New Hampshire, Pence është rikthyer në Washington me një aeroplan për transportimin e mallrave, që Shërbimi Sekret e përdor për transportimin e veturave që shfrytëzohen gjatë udhëtimeve jashtë vendit. /Telegrafi/
