Ruben Dias beson se fjalët e mençura të babait të tij patën ndikimin më të madh që ai të arrijë nivelin në të cilin është sot në Manchester City.
26-vjeçari portugez është kthyer në njërin nga lojtarët kryesor të Cityt, por edhe në një mbrojtësit më të mirë në botë aktualisht.
Për nivelin e tij prej top lojtari, Dias meritat ja jep babait të tij, pasi thotë se ai i ka dhënë këshillat më të mira.
“Unë i jap shumë meritë atij. Ai kurrë nuk ka qenë në lojë. Ai ishte një portier, por një aksident automobilistik e ndaloi. Ndërgjegjësimi që ai ka është shumë më i mirë se shumë njerëz që kam i njohur në industrinë e futbollit”, ka thënë fillimisht Dias për Mancity.com.
“Për dikë nga jashtë që ka qenë një tifoz i Benficas, ai mund të kishte kaq shumë mendime të lehta. Mënyra se si më mësoi se si ta shikoja lojën, nuk e di nga e mori atë”.
“Ndoshta është vetëm një pjesë e personalitetit të tij që është bërë pjesë e personalitetit tim, por unë i jap atij shumë merita sepse marr shumë ndikimin që ai më dha në futboll”.
“Numri një do të jetë gjithmonë sepse ai më mësoi të shikoja veten fillimisht në vend që të fajësoja dikë tjetër për dështimet e mia ose dështimet e ekipit tim. Kjo është kaq e thjeshtë dhe kaq e vërtetë”, përfundoi portugezi.
Babai i Dias nuk ishte i vetmi që e ndihmoi të zhvillonte aftësitë e tij në futboll. I rritur në periferi të Lisbonës, Ruben luante çdo ditë me vëllain e tij të madh Ivan. /Telegrafi/