Djali i humoristit të ndjerë, Rasim Thaçi-Cima, Artani është në mesin e personazheve VIP që janë bërë pjesë e Big Brother Kosova.
Ndër tjera, ai deri më tani ka folur disa herë për babanë e tij, aktori e famshëm shqiptar duke treguar me krenari për karrierën e tij të ndritur.
Edhe së fundmi, Artani teksa ndodhej në oborrin e shtëpisë pranë Getinjos dhe Edonit ka treguar se sa i shoqërueshëm ishte Cima dhe çfarë respekti gëzonte nga të gjithë.
“Ai i ka dashur njerëzit, sidomos kur e takonte dikë nga estrada, i ka ndal ju ka fol, se ne e kemi kritikuar për dikën që nuk e njeh pak ma shpejt mos u ndal, por të gjithëve iu ndalke, rrike 15-20 minuta me njerëzit që nuk i ka njihte as parë ndonjëherë, ku e kam vënë re këtë gjë, kur ndërroi jetë më kanë shkruar edhe më kanë fol shumë njerëz duke më thënë: ‘paramendo më ka fol mu Cima më është dkur sikur më janë plotësuar të gjitha ëndrrat, sepse unë nuk jam askushi, nuk më njeh askush e ai qëndroi 20 minuta me mua duke më shpjeguar diçka po unë e kisha mendjen te ajo sesi kohën e tij po ma kushton mua’, e tani kjo të bën të mendosh se edhe nëse bëhesh dikush në jetë duhet me qëndruar në tokë se me popull duhet të kesh shumë kujdes”, ka treguar Artani.
Ndryshe, kujtojmë që Artani ishte në mesin e të nominuarve të javës që lamë pas, por ishin çifti Alisa dhe Urimi që u eliminuan.
Theksojmë që banorët që po vazhdojnë rrugëtimin e tyre në BBVK janë në garë për shpërblimin prej 200 mijë eurosh. /Telegrafi/