“Presidenti i shtetit e bllokoi institucionin më të lartë me mosnënshkrimin e Ligjit për ratifikimin e marrëveshjes me Greqinë. Me këtë ai e shkeli edhe Kushtetutën dhe bëri vepër penale, për të cilën duhet të përgjigjet”, deklaroi mbrëmë krytari i BDI-së, Ali Ahmeti, në një emision në TV “Kanal 5”.
Ai shtoi se nuk ka dëshirë që njeriu i parë i shtetit për një kohë të shkurtë të gjendet në bankën e të akuzuarve për shkelje të Kushtetutës, duke shtuar se nuk ka forcë që mund ta ndalë marrëveshjen, përcjell Telegrafi Maqedoni.
Ahmeti vlerësoi se ngjarjet e fundit dhe nënshkrimi i marrëveshjes për emrin janë të rëndësishme dhe se duhet guxim dhe mbështetje nga gjitha anët në shtet.
“Gjithë duhet të kemi guxim për këto procese, që të mos ndalojnë”, tha mes tjerash Ahmeti.
Ndërsa sa i përket çështjes së referendumit dhe qëndrimin e partisë së tij për të qenë kundër, Ahmeti tha se referendumi mund të jetë negativ dhe të ndikohet nga qendra të jashtme./Telegrafi/