Presidenti i Juventusit, Andrea Agnelli, nuk e diskuton faktin që ardhja e Cristiano Ronaldos ka bërë që Liga e Kampionëve do të jetë objektiv i klubit.
Numri një i Zonjës e Vjetër tha se gjithashtu qëllimi i skuadrës është të fitojnë të gjithë titujt që janë në garë.
“Do të jetë një vit i vështirë, por ne duhet të lëvizim nga ëndrrat në objektiva”, ka thënë Agnelli për JTV.
“Liga e Kampionëve duhet të jetë objektivi jonë këtë sezon. Duhet të jetë Liga e Kampionëve, duhet të jetë Scudetto dhe Kupa e Italisë”.
“Këtë vit duhet t’i vendosim vetës cak të fitojmë gjithçka. Për ta arritur këtë, Max (Allegri) dhe stafi i tij e dinë që duhet të punojnë ditë pas dite”.
“Duhet të jetë një sezon shumë i vështirë, me shumë pasion dhe mezi po pres që të fillojë”, ka shtuar Angelli.
Ndeshja e parë e Juves në Serie A për sezonin 2018/19 është kundër Chievos. /Telegrafi/
"There’s excitement in the air."
🎙 @OfficialAllegri & @13Szczesny13 look ahead to the new season after #VillarPerosa ➡️ https://t.co/Hcja1407Lg pic.twitter.com/NNjY7mB5SH
— JuventusFC 🇬🇧🇺🇸 (@juventusfcen) August 12, 2018