Agjenti Martin Schoots thuhet se ka zbritur në Milano për të ndihmuar që të sigurohet transferimi i Christian Eriksen nga Tottenham Hotspur te Interi.
Sipas gazetarit të Gazzetta dello Sport, Nicolo Schira, mesfushori danez ka negociuar me Nerazzurrët dhe se ai ka pranuar të nënshkruajë një marrëveshje deri në qershor 2024.
Drejtori i Interit, Piero Ausilio udhëtoi dje në Angli, por pas kthimit të tij në Italia tha se nuk kishte “asnjë zhvillim”.
Tani Schira shkruan se Schoots ka mbërritur për të ndihmuar në përshpejtimin e negociatave midis Spurs dhe Interit dhe për të bërë të mundur një transferim të menjëhershëm të danezit.
Bisedimet dyshohet se kanë ngecur për shkak të një kërkese prej 20 milionë eurosh nga Spurs.
Në anën tjetër, Interi shpreson të sigurojë lojtarin për 15 milionë euro, pasi kontrata e Eriksen do të skadojë në fund të sezonit aktual. /Telegrafi/
Christian #Eriksen's agent (Martin Schoots) landed in Milano. He is working with #Inter to transfer the danish midfielder from #Tottenham. Total agreement with Inter for a contract until 2024. #transfers #THFC
— Nicolò Schira (@NicoSchira) January 16, 2020