Mediat sportive vazhdojnë të spekulojnë për të ardhmen e superyllit të Juventusit, Cristiano Ronaldo.
Portugezi ka marrëveshje me Zonjën e Vjetër deri në verën e vitit 2022, mirëpo raportohet se ai mund të largohet nga klubi italian gjatë këtij afati kalimtar.
Paris Saint-Germaini ishte favorit për shërbimet e 36-vjeçarit, mirëpo klubi francez vendosi të nënshkruante me Lionel Messin, pasi që superylli argjentinas mbeti lojtar i lirë duke mos e rinovuar kontratën me Barcelonën.
Sipas Corriere dello Sport agjenti i Ronaldos, Jorge Mendes e ka ofruar klientin e tij te Manchester City.
Objektivi kryesor i kampionit të Anglisë është Harry Kane dhe në rast të dështimit të këtij transferimi, atëherë CR7 do të ishte opsion real. /Telegrafi/