Mbrojtësi maroken i krahut të djathtë, Achraf Hakimi e sheh të ardhmen e tij afatgjatë te klubi i madh spanjoll, Real Madridi.
Hakimi ka kaluar dy sezonet e fundit në huazim te Borussia Dortmund dhe ka bërë përshtypje të mira në Bundesliga që nga ajo kohë.
Agjenti i tij, Alejandro Camano, ka zbuluar se 21-vjeçari synon të luajë për Los Blancos herët a vonë.
“Ai do të lidhet me mbrojtjen e Real Madridin kur të përfundojë sezoni. Ne do të shohim se çfarë ndodh pas kësaj”, ka thënë fillimisht Camano për Onda Madrid.
“Ai dëshiron të luajë ndeshje, si këtë sezon, ku ka filluar çdo ndeshje. Nuk ka nxitim. Aspirata e tij e vetme është të luajë ndeshje për të ndihmuar zhvillimin e tij”.
“Ka një dialog të mrekullueshëm me Real Madridin dhe ata gjithmonë presin që ta kenë atë në radarin e tyre dhe ajo që ne nuk duam është të distancohemi shumë prej tyre”.
“Pra, do të arrijmë një marrëveshje të një lloj mënyre nëse ai qëndron apo shkon, por pa harruar se qëllimi është të luaj një ditë për Real Madridin, sepse, për të, ai është klubi më i mirë në botë”.
“Mund të jetë një pritje e shkurtër nëse Real Madridi do t’i ofrojë atij të qëndrojë tani ose një pritje e gjatë nëse ai nuk qëndron, por qëllimi është gjithmonë i njëjtë, të përfundojë duke luajtur për klubin më të mirë në botë”, përfundoi agjenti Hakimit. /Telegrafi/