Agjencitë amerikane të inteligjencës kanë paralajmëruar se nga lufta mes Rusisë dhe Ukrainës, ku kjo e para synon ta pushtojë – mund të humbin jetën 50 mijë civilë.
Agjencitë perëndimore të inteligjencës besojnë që qeveria në Kiev mund të bie, dhe kjo të shkaktojë një krizë humanitare prej 5 milionë refugjatëve, transmeton Telegrafi.
Duke komentuar grumbullimin e ushtrisë rusë përgjatë vijës kufitare me Ukrainën, një zyrtar i paemëruar i BE-së, ka thënë për Washington Post, “Mendoj se është një frikë reale. Vladimir Putin i ka shpërndarë atje”.
E këto komente vijnë pasi agjencitë amerikane të zbulimit kanë njoftuar se Rusia planifikon të organizojë një stërvitje të madhe me armë bërthamore gjatë javëve të ardhshme, me qëllim që të paralajmërohet NATO që të mos përfshihet nëse rast se Putin urdhëron pushtimin e Ukrainës, shkruan Financial Times.
Gjenerali amerikan Mark A. Milley dhe drejtoresha e Shërbimit Nacional të Inteligjencës amerikane, Avril Haines, kanë thënë se Putin planifikon fillimin e stërvitjeve kah mesi i shkurtit. /Telegrafi/