Presidenti i FFK-së, Agim Ademi pritet të emërohet në komisionin për zhvillimin e futbollit në kontinentin e vjetër, më saktë në “Komitetit Hat-trick”.
Ky komitet merret me projektet e zhvillimit të futbollit në gjithë kontinentin e vjetër.
Nëse Ademi do të gjendej në këtë komitet atëherë do të kishte influencë dhe do të ishte shumë e rëndësishme për futbollin e Kosovës.
Kjo pasi Kosova ka nevojë për përkahje të projekteve për ndërtimin e fushave dhe infrastrukturës sportive.
“Presidenti Ademi ka një përkrahje të madhe nga presidenti I UEFA-së, Aleksandar Ceferin i cili ka dëshirë ta ndihmojë Kosovën që ta zhvillohet sa më shumë”.
“Ademi pritet të emërohet në këtë komisionin në muajin maj”, ka thënë një burim i FFK-së për Telegrafin.
Sipas procedurave emërimi do të marr formën zyrtare në fund të muajit maj ose në fillim të muajit qershor. /Telegrafi/