Ben Affleck ka njoftuar se ka përfunduar rehabilitimin për varësi nga alkooli.
Ylli i Hollywoodit për herë të parë kishte zbuluar në vitin 2001 se ka probleme me alkoolin.
“Kam kompletuar trajtimin për varësi nga alkooli; diçka me të cilën jam përballur në të kaluarën dhe vazhdoj të përballem me të”, ka shkruar Affleck në Facebook.
“Dua të jetoj jetën si është më së miri dhe të jem baba i mirë. Dua që fëmijët të mos turpërohen nga unë dhe t’u ndihmoj kur kanë nevojë dhe të jem fuqi për çdo kë që ka nevojë për ndihmë”, ka shtuar ai.
Aktori rehabilitimin e ka përshkruar si “një prej shumë hapave drejt këndelljes pozitive”, ku me këtë rast e ka falënderuar ish-gruan Jennifer Garner dhe shokët për përkrahje gjatë kësaj kohe. /Telegrafi/
