Komiteti për punë të jashtme – AFET, i Parlamentit evropian (PE) e ka shqyrtuar Propozim-rezolitën për Maqedoninë, në lidhje me raportin e përparimit të Komisionit Evropian (KE) të vitit 2016, i përgatitur nga eurodeputeti Ivo Vajgl, përcjell Telegrafi Maqedoni.
Sipas korrespondentit të AIM-së nga Brukseli, raporti përmban udhëzime për çeljen e bisedimeve për anëtarësim të Maqedonisë në BE, por përmban edhe udhëzime për përfshirjen e BE-së në bisedimet Maqedoni – Greqi për emrin.
Lojze Peterlee diskutoi për Maqedoninë dhe tha se vendi ka bërë përparim relativ në eurointegrime dhe i kaplotësuar obligimet e Marrëveshjes së Përzhinos.
Tunne Kelam nga Estonia tha se situata e ndërlikuar në Maqedoni kërkon mbështetje të BE-së, ndërkaq Toni Picula tha se Maqedonia është e ngarkuar ndasi të thella të brendshme.
Grekja Sofia Sakorafa kërkoi rezolutë për të theksuar aspektin negativ të ngjarjevenë Maqedoni, duke shtuar se vendi nuk ka vullnet për luftë kundër korrupsionit.
Tamash Meserin, deputeti nga Hungaria tha se problemet dypalëshe të vendeve nuk duhet të paraqesin problem për çeljen e bisedimeve, ndërkaq Dan Preda tha se situata politike në Maqedoni është e keqe.
Diskutimi kryesor dhe i fundit për Maqedoninë është planifikuar të mbahet më 14 dhe 15 mars./Telegrafi/